Захаров Сергей Егорович

Захаров Сергей Егорович (1938-2017с)

Аҕабыт, Захаров Сергей Егорович 1938 сыллаахха сэтинньи 7 күнүгэр Ньурба бөһүөлэгэр элбэх оҕолоох дьиэ кэргэҥҥэ үһүс оҕоннон күн сирин көрбүтэ. Бастаан плотниктыы сылдьан тутуу биригээдэтигэр маастар-биригэдьиирдээбитэ. Онтон ПМК-612 тутуу тэрилтэтигэр профком бэрэссэдээтэлэ этэ уонна үлэлиир кэмигэр хас да производственнай эбийиэктэри, ол иһигэр оройуон аптекатын, БПК, элбэх кыбартыыралаах олорор дьиэлэри тутуһан олоххо киллэрсэн оройуон сайдыытыгар эмиэ сэмэй кылаатын киллэрсибитэ. 1976 сыллаахха Дьокуускайдааҕы тыа хаһаайыстыбатын техникумун кадрдары салайар салаа иһинэн «агроном-организатор» идэтин ылбыта, онтон Үрдүкү партийнай оскуоланы ситиһиилээхтик бутэрбитэ. КПСС чилиэнэ этэ. Ньурбатааҕы авиапредприятиеҕа ВОХР этэрээтин солбуйааччы начальнигынан үлэлии сылдьан, Москва куоракка кууруска баран үөрэҕин үрдэтиммитэ.

Кэлин мелиорация систиэмэтигэр үлэлээн, «Гидрант» тэрилтэтиттэн 1993 сыллаахха бочуоттаах сынньалаҥҥа тахсыбыта. Уопсайа 40-ча сыл үлэ ыстаастаах, ханнык да кэлэктиипкэ убаастанар үрдүк эппиэтинэстээх, чиэһинэй, толоругас, үчүгэй үлэһит быһыытынан сыаналыыллара, ону туоһулуур хайҕабыл грамоталардаах, махтал суруктардаах.

Ийэбитинээн, Христина Гаврильевналыын ыал буолан олорбуттарын Кыһыл көмүс сыбаайбаларын 2012с. бэлиэтээбиттэрэ. 

                  Суруйда кыыһа, Захарова Вероника Сергеевна.