Герасимов Андрей Иванович
Уһулуччулаах Эмчит Герасимов Андрей Иванович.
(1952-2004сс.)
Андрей Иванович эмчит, ойуун, көрбүөччү буолара букатын эрдэ биллибитэ. Дьону 20 сааһыттан күүскэ эмтээн барбыта. Норуот кинини Хорула Өндөрөй (олорор сиринэн), Гипноз Өндөрөй (барыны бары өтө көрөрө, сүппүт дьону, малы-салы булан биэрэрэ, дьиҥнээх көрбүөччү, улуу ойуун этэ), Эмчит Өндөрөй диэн ааттыыра.Кини олорбут кэмигэр киниэхэ тэҥнэһэр биир эмэ эмчит баара буолуо. Ыарыы арааһын эмтиирэ, элбэх киһини арыгы дьайыттан быыһаабыта, эмтиир ньымалара элбэҕин сөҕөллөрө: түөннүүрэ, хаанныыра, илбийэрэ, иннэлиирэ, ыраахтан эмтиирэ, отунан-маһынан, айылҕа биэрэр эмтэринэн абыраталыыра. Төһөлөөх киһи эмтэнэн абыраммытын, тыыннаах хаалбытын ааҕан ситэр уустук. Ньурбалар эрэ буолбакка бүтүн Саха сирин дьоно эмтэнэрэ, ыраахтан эмиэ кэлэллэрэ.
Андрей Ивановиһы тус бэйэм билэр буолан суруйабын. Кэргэним ийэтин 1975 сыллаахха эмтэтиэхпититтэн ыла билсэн, доҕордоһон бу сиртэн кини барыар диэри. Эмчит туһунан элбэҕи суруйуохха сөп. Эмтэммит дьон төһөлөөхтүк махтаммыттара, махтаналлара буолуой.
Андрей Иванович туһунан кинигэ да тахса илик. Үчүгэйдик хаһыакка да тахсыбакка хаалла быһыылаах. Киһи быһыытынан олус сэмэй, үтүө санаалаах, ыраас дууһалаах, сылаас сүрэхтээх нарын-намчы эйэҕэс аламаҕай дьикти үчүгэй киһи этэ.
Онон киэн туттар улуу киһибит аата ааттанар кэмэ кэллэ.
Васильева Капитолина Николаевна, РСФСР үөрэҕириитин туйгуна, Ньурба улууһун, Түмүк нэһилиэгин Бочуоттаах олохтооҕо, “Гражданскай доблесть” о.д.а. элбэх анал бэлиэлэр хаһаайкалара, республика старейшината.
2023с.
(1952-2004сс.)
Андрей Иванович эмчит, ойуун, көрбүөччү буолара букатын эрдэ биллибитэ. Дьону 20 сааһыттан күүскэ эмтээн барбыта. Норуот кинини Хорула Өндөрөй (олорор сиринэн), Гипноз Өндөрөй (барыны бары өтө көрөрө, сүппүт дьону, малы-салы булан биэрэрэ, дьиҥнээх көрбүөччү, улуу ойуун этэ), Эмчит Өндөрөй диэн ааттыыра.Кини олорбут кэмигэр киниэхэ тэҥнэһэр биир эмэ эмчит баара буолуо. Ыарыы арааһын эмтиирэ, элбэх киһини арыгы дьайыттан быыһаабыта, эмтиир ньымалара элбэҕин сөҕөллөрө: түөннүүрэ, хаанныыра, илбийэрэ, иннэлиирэ, ыраахтан эмтиирэ, отунан-маһынан, айылҕа биэрэр эмтэринэн абыраталыыра. Төһөлөөх киһи эмтэнэн абыраммытын, тыыннаах хаалбытын ааҕан ситэр уустук. Ньурбалар эрэ буолбакка бүтүн Саха сирин дьоно эмтэнэрэ, ыраахтан эмиэ кэлэллэрэ.
Андрей Ивановиһы тус бэйэм билэр буолан суруйабын. Кэргэним ийэтин 1975 сыллаахха эмтэтиэхпититтэн ыла билсэн, доҕордоһон бу сиртэн кини барыар диэри. Эмчит туһунан элбэҕи суруйуохха сөп. Эмтэммит дьон төһөлөөхтүк махтаммыттара, махтаналлара буолуой.
Андрей Иванович туһунан кинигэ да тахса илик. Үчүгэйдик хаһыакка да тахсыбакка хаалла быһыылаах. Киһи быһыытынан олус сэмэй, үтүө санаалаах, ыраас дууһалаах, сылаас сүрэхтээх нарын-намчы эйэҕэс аламаҕай дьикти үчүгэй киһи этэ.
Онон киэн туттар улуу киһибит аата ааттанар кэмэ кэллэ.
Васильева Капитолина Николаевна, РСФСР үөрэҕириитин туйгуна, Ньурба улууһун, Түмүк нэһилиэгин Бочуоттаах олохтооҕо, “Гражданскай доблесть” о.д.а. элбэх анал бэлиэлэр хаһаайкалара, республика старейшината.
2023с.
Герасимов Андрей Иванович - Эмчит Өндөрөй